"ମ୍ୟାଜିକ ଶୋ "ମାଧ୍ୟମରେ ଫସଲ ବୀମା ପାଇଁ ସଚେତନତା ।
pragyansila bureau | 14 Aug 2025 | 7 min read | 4 views
ନାଉଗାଁ ( ପି.ଏନ. ଏସ ) : ପ୍ରଧାନମନ୍ତ୍ରୀ ଫସଲ ବୀମା ଯୋଜନା ଉପରେ, ଜଗତସିଂହପୁର ଜିଲ୍ଲା ନାଉଗାଁ ବସ୍ ଷ୍ଟାଣ୍ଡ ରେ ଏକ ସଚେତନତା ମ୍ୟାଜିକ ସୋ ଅନୁଷ୍ଠିତ ହୋଇ ଯାଇଛି । ରିଲିଆନ୍ସ ଜେନେରାଲ ଇନ୍ସୁରାନ୍ସ କମ୍ପାନୀ ଦ୍ୱାରା ଆୟୋଜିତ ଉତ୍ସବରେ ଓଡିଶା ର ସୁପରିଚିତ ଯାଦୁକର ଶିବନାଥ ତାଙ୍କ ଯାଦୁକରୀ କଳା କୌଶଲ ମାଧ୍ୟମ ରେ ଫସଲ ବୀମା ର ସୁବିଧା ସୁଯୋଗ ବିଷୟରେ ସଚେତନତା କରିଥିଲେ । ପ୍ରାରମ୍ଭ ରେ ନାଉଗାଁ ବ୍ଲକ କୃଷି ଅଧିକାରିଣୀ ଯୁଗସ୍ମିତା ମହାପାତ୍ର, କାର୍ଯ୍ୟକ୍ରମକୁ ଉଦଘାଟନ କରିଥଲେ । ରିଲିଆନ୍ସ ଜେନେରାଲ ଇନ୍ସୁରାନ୍ସ କମ୍ପାନୀ ର କ୍ଲଷ୍ଟର ମୁଖ୍ୟ ମୃତୁଞ୍ଜୟ ରାଉତ, ସମ୍ମାନିତ ଅତିଥି ଭାବେ ଯୋଗଦାନ କରି ଫସଲ ବୀମା ର ଈପଯୋଭତା ଉପରେ ଆଲୋକପାତ କରିଥିଲେ । ବିଶେଷ କରି ଗତ ବର୍ଷ ଡିସେମ୍ବର ମାସ ର ଅଦିନିଆ ବର୍ଷା ରେ ହୋଇଥିବା କ୍ଷୟ କ୍ଷତି ବାବଦ ରେ ଜଗତସିଂହପୁର ଜିଲ୍ଲା ରେ ନିଦ୍ଧାରିତ ସମୟ ସୀମା ମଧ୍ୟରେ ସୂଚନା ଦେଇଥିବା 24 ହଜାର ଚାଷୀ ଙ୍କୁ 4 କୋଟି 19 ଲକ୍ଷ ଟଙ୍କା କ୍ଷୟ କ୍ଷତି ପୂରଣ ବାବଦ ରେ ପ୍ରଦାନ କରାଯାଇ ଥିବା ନେଇ ସୂଚନା ଦେଇଥିଲେ । ଫସଲ ବୀମା ପଞ୍ଜିକରଣ ର ଶେଷ ତାରିଖ ପୂର୍ବ ରୁ ଅଧିକ ସଂଖ୍ୟକ ଚାଷୀ ନିକଟସ୍ଥ ଜନସେବା କେନ୍ଦ୍ର ରେ ପଞ୍ଜିକରଣ କରିବାକୁ ଆହ୍ୱାନ ଦେଇଥିଲେ । ଅନ୍ୟମାନଙ୍କ ମଧ୍ୟରେ ଯାଜପୁର ଜିଲ୍ଲା ସଂଯୋଜକ ମୁର୍ଦୁଗୁଲ ଗଜବର୍ୟ, ରିସ୍କ ଟିମ ଜିଲ୍ଲା ସଂଯୋଜକ ନାଜିମ, କୃଷି କର୍ମଚାରୀ ବିଶ୍ୱଜିତ ପରିଡା, ମାମିନା ସେଠୀ, ପ୍ରମୁଖ ଅତିଥି ଭାବେ ଯୋଗଦାନ କରିଥିଲେ । ଜିଲ୍ଲା ସଂଯୋଜକ ପ୍ରମୋଦ କୁମାର ନାୟକ କାର୍ଯ୍ୟକ୍ରମ ପରିଚାଳନା କରିଥିଲେ । କାର୍ଯ୍ୟକ୍ରମ ଆୟୋଜକ ରେ ବ୍ଲକ ସଂଯୋଜକ ସୌମ୍ୟ ରଞ୍ଜନ ନିହାଣ,କବି ପ୍ରସାଦ ନାୟକ,ଚନ୍ଦନ ମହାରଣା, ପ୍ରାସନ୍ନ ବାରିକ, କନ୍ନେହୀ ବେହେରା, ଅକ୍ଷୟ ଭୋଳ ପ୍ରମୁଖ ସହଯୋଗ କରିଥିଲେ ।
