ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ଡ୍ରଗ୍ସ ଏକ ମାରାତ୍ମକ ଅଭ୍ୟାସ, ଏହା ଯୁବ ବର୍ଗ ଙ୍କୁ ପଥଭ୍ରଷ୍ଟ କରିବା ସହିତ ପରିବାରରେ ଅଶାନ୍ତି ର ମୂଳ କାରଣ । ଏହି ଡ୍ରଗ୍ସ ହିଁ ଆତଙ୍କବାଦୀ ଙ୍କ ପାଇଁ ରୋଜଗାର ର ମାଧ୍ୟମ ପାଲଟିଛି । ଆମରି ଯୁବ ବର୍ଗ ଙ୍କୁ ଡ୍ରଗ୍ସ ର ମାୟା ଜାଲରେ ପକାଇ ଉକ୍ତ ଟଙ୍କା କୁ ଆମରି ଦେଶ ବିରୋଧରେ ବ୍ୟବହାର କରି ଆତଙ୍କବାଦୀମାନେ ଆମରି ଧନ ଜୀବନ ନଷ୍ଟ କରୁଛନ୍ତି । ତେଣୁ ଯୁବ ବର୍ଗ ସଚେତନ ହେବା ଜରୁରୀ, ଏଥିପାଇଁ ଜଗତସିଂହପୁର ଜିଲ୍ଲା ର ଅଗ୍ରଣୀ ସ୍ବେଚ୍ଛାସେବୀ ସଂଗଠନ ବାଣୀଧାରା ପକ୍ଷରୁ ଗତ ୪ ବର୍ଷ ହେଲା ପ୍ରୟାସ ଆରମ୍ଭ ହୋଇଛି । ବିଭିନ୍ନ ଜିଲ୍ଲାରେ ଓ୍ବାକ୍ ଏଗନେଷ୍ଟ ଡ୍ରଗ୍ ଆବ୍ୟୁସ (ଓ୍ବାଦା) ଜରିଆରେ ଯୁବ ବର୍ଗ ଙ୍କୁ ସଚେତନ କରାଯାଉଛି । ରବିବାର ସଂଗଠନ ପକ୍ଷରୁ ଏକ ସ୍ବେଚ୍ଛାସେବୀ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି । ଏଥିରେ ଓଡ଼ିଶାର ବିଭିନ୍ନ ଜିଲ୍ଲାରୁ ବହୁ ସ୍ୱେଚ୍ଛାସେବୀ ଯୋଗ ଦେଇ ଡ୍ରଗ୍ସ କବଳରୁ ଯୁବ ସମାଜକୁ ମୁକ୍ତ କରିବା ପାଇଁ ଶପଥଗ୍ରହଣ କରିଥିଲେ । ପାରାଦ୍ଵୀପ ଗଡ଼ ପଞ୍ଚାୟତ ର ପୂର୍ବତନ ସରପଞ୍ଚ ମିହିର ରଞ୍ଜନ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ପ୍ରଶିକ୍ଷଣ ଶିବିର ରେ ସନ୍ଥ ସ୍ବାମୀ ଡଃ ସ୍ମୃତି ସାଗରାନନ୍ଦ , ଶ୍ରୀବଲ୍ଲଭ କର , ପୂର୍ବତନ ଶିକ୍ଷକ ତଥା ରାଷ୍ଟ୍ରୀୟ ସ୍ବୟଂ ସେବକ ସଂଘ କଟକ ବିଭାଗର ପରିବାର ପ୍ରବୋଧନ ପ୍ରମୁଖ ରବିନାରାୟଣ ମିଶ୍ର , ଏନ‌ଏସସି ସ୍କୁଲ ପାରାଦ୍ଵୀପ ର ପ୍ରଧାନ ଶିକ୍ଷକ ସୂର୍ଯ୍ୟକାନ୍ତ ଶତପଥୀ ପ୍ରମୁଖ ଯୋଗଦେଇ ଡ୍ରଗ୍ସ ର ଭୟାବହତା ଉପରେ ଆଲୋଚନା କରିବା ସହିତ କିଭଳି ଯୁବ ବର୍ଗ କୁ ଏଥିରେ ସାମିଲ କରାଯିବ ଏବଂ ନିଶା ଠାରୁ ଦୂରେଇ ଦିଆଯିବ ତାହା ଉପରେ ପ୍ରଶିକ୍ଷଣ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମ କୁ ବାଣୀଧାରଣା ର ପ୍ରମୁଖ ପରିଚାଳକ ଗତିକୃଷ୍ଣ ଶତପଥୀ ପରିଚାଳନା କରିଥିଲେ । ସଂଗଠନ ପକ୍ଷରୁ ଖୁବ୍ ଶୀଘ୍ର ଏହି କାର୍ଯ୍ୟକ୍ରମ କୁ ସାରା ଭାରତରେ ପ୍ରଚାର ପ୍ରସାର କରାଯିବା ସହିତ ସଚେତନତା ସୃଷ୍ଟି କରିବା ପାଇଁ ପ୍ରୟାସ ଆରମ୍ଭ ହୋଇଛି ବୋଲି ଶ୍ରୀଯୁକ୍ତ ଶତପଥୀ ପ୍ରକାଶ କରିଛନ୍ତି ।