ମୁଖ୍ୟ ପୃଷ୍ଟ। / odisha / jagatsinghpur

ଏରସମା ( ପି.ଏନ. ଏସ ) : ଗଡହରିଶପୂର୍ ମୟରନାଞ୍ଜି ଶଙ୍ଖ ନଦୀ ବନ୍ଧରୁ ଯୁବକର ମୃତ ଦେହ ଉଦ୍ଧାର କରିଛି ଏରସମା ପୋଲିସ । ସୂଚନାରୁ ପ୍ରକାଶ ଜଗତସିଂହପୁର ଜିଲ୍ଲା ବାଲିକୁଦା ଥାନା ଅଧିନ ତିତିରା ପଞ୍ଚାୟତ 5 ନମ୍ୱର୍ ୱାର୍ଡ କୁଳସାହି ଗ୍ରାମର
ଭାଗୁ ସୁତାର ଙ୍କ ଏକ ମାତ୍ର ପୁଅ ସୂର୍ଯ୍ୟ ନାରାୟଣ ସୂତାର ଓରଫ (ବାନା) ବୟସ 24 ବର୍ଷ ବିଳମ୍ବିତ ରାତିରେ ନଦୀ ବନ୍ଧ ଉପରେ ପଡିଥିବାର ସକାଳୁ ସ୍ଥାନୀୟ ଲୋକେ ଦେଖି ଗଡହରିଷପୂର୍ ସରପଞ୍ଚ ଙ୍କୁ ଖବର ଦେଇଥିଲେ ମୃତକ ଙ୍କ ମୁହଁ ଓ ନାକ ରୁ ରକ୍ତ ବାହାରିବାର ଦେଖାଯାଇଛି ।ପରିବାର ଲୋକେ ହତ୍ୟା ଅଭିଯୋଗ ଆଣିଛନ୍ତି । ପରିବାର ଲୋକଙ୍କ କହିବା ଅନୁସାରେ ଗତକାଲି ରାତି ୩ଟାରେ ସେ ଘରେ ଥିଲେ, ଘରେ ତାଙ୍କର ମୋବାଇଲ ଥିବା ବେଳେ ସେ ଏଠାକୁ କିପରି ଆସିଲେ, ତାଙ୍କୁ କେହି ଡାକି ହତ୍ୟା କରିଥିବାର ପରିବାର ଲୋକେ ଅଭିଯୋଗ କରିଛନ୍ତି । ସରପଞ୍ଚ ଏବଂ ଲୋକଙ୍କ ଉପସ୍ଥିତିରେ ଏରସମା ପୋଲିସ ଙ୍କୁ ଖବର ଦେବାପରେ ଏରସମା ଥାନା ଅଧିକାରୀ ଘଟଣା ସ୍ଥଳରେ ପହଞ୍ଚି ତଦନ୍ତ କରିଥିଲେ । ଅଧିକ ତଦନ୍ତ ପାଇଁ ସାଇଣ୍ଟଫିକ ଟିମ୍ କୁ ଖବର ଦେଇଥିଲେ , ଘଟଣା ସ୍ଥଳରେ ସାଇଣ୍ଟଫିକ ଟିମ୍ ଏବଂ ଜିଲ୍ଲା ମୁଖ୍ୟ ଆରକ୍ଷୀ ଅଧିକାରୀ ପହଞ୍ଚି ତଦନ୍ତ କରି ଏକ ଅପମୃତ୍ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ ପଠାଇ ଦିଆଯାଇଛି ।