ଚୋରା ଗ୍ୟାସ ସିଲିଣ୍ଡର ଜବତ କଲା ପାରାଦ୍ୱୀପ ଆଦର୍ଶ ଥାନା ପୋଲିସ ।
pragyansila bureau | 30 Jul 2025 | 5 min read | 6 views
ପାରାଦ୍ୱୀପ ( ପି.ଏନ. ଏସ ) : ବନ୍ଦର ନଗରୀ ପାରାଦ୍ଵୀପ ରେ ଦିନକୁ ଦିନ ଚୋରା ଗ୍ୟାସ ସିଲିଣ୍ଡର ବ୍ୟବସାୟୀ ଙ୍କ ସଂଖ୍ୟା ବଢ଼ିବାରେ ଲାଗିଛି । ଗତ ଦେଢ଼ମାସ ତଳେ ପାରାଦ୍ଵୀପ ଆଦର୍ଶ ଥାନା ପୋଲିସ ତାରିଣୀଗଡା , ଅଠରବାଙ୍କି ଓ ବଡ଼ପଡ଼ିଆ ଅଞ୍ଚଳରେ ଚଢ଼ାଉ କରି ୨୮୬ ଟି ଗ୍ୟାସ ସିଲିଣ୍ଡର ଜବତ କରିବା ସହିତ ଜଣେ ବ୍ୟବସାୟୀଙ୍କୁ ଗିରଫ କରିଥିବା ବେଳେ, ମଙ୍ଗଳବାର ଗୋଟିଏ ପିକଅପ୍ ଭ୍ୟାନ ଗାଡ଼ି କୁ ଜବତ କରିଛି । ଏହି ଗାଡିରେ ୫୩ ଟି ଗ୍ୟାସ ସିଲିଣ୍ଡର ଥିବା ଦେଖିବାକୁ ମିଳିଛି । ଏଥିରୁ ୩୦ ଟି ସିଲିଣ୍ଡର ରେ ଗ୍ୟାସ ଭର୍ତ୍ତି ଥିବା ବେଳେ, ୨୬ ଟି ଖାଲି ସିଲିଣ୍ଡର ଥିଲା । ଏହି ଘଟଣାରେ ଗାଡ଼ି ଡ୍ରାଇଭର ଜଗତସିଂହପୁର ବାଲିକୁଦା ଅଞ୍ଚଳର ବବୁଲ ଭୋଇ କୁ ପୋଲିସ ଅଟକ ରଖି ପଚରାଉଚୁରା କରୁଛି । ମିଳିଥିବା ପ୍ରାଥମିକ ସୂଚନା ଅନୁଯାୟୀ ଏହି ଗ୍ୟାସ ଟାଙ୍କି ଗୁଡିକ ଜଗତସିଂହପୁର ଆଳିପିଙ୍ଗଳ ଅଞ୍ଚଳର ଏବଂ ସପ୍ତାହକୁ ୪ ଥର ଏହି ଗାଡ଼ି ରେ ଚୋରା ଗ୍ୟାସ ସିଲିଣ୍ଡର ଆସି ପାରାଦ୍ଵୀପ ରେ ବିକ୍ରୟ କରାଯାଉଛି । କିଛି ଅସାଧୁ ବ୍ୟବସାୟୀ ସବସିଡି ଯୁକ୍ତ ଗ୍ୟାସ ଟାଙ୍କି କୁ ବିଭିନ୍ନ ଲୋକଙ୍କ ନାମରେ ଉଠାଇ ପାରାଦ୍ଵୀପ ରେ ୩୦୦ ରୁ ୫୦୦ ଟଙ୍କା ଲେଖାଏଁ ଚଢା ଦରରେ ବିକ୍ରି କରୁଛନ୍ତି । ଆଦର୍ଶ ଥାନା ପୋଲିସ ଗାଡ଼ିକୁ ଜବତ କରିବା ସହିତ ଡ୍ରାଇଭର କୁ ଅଟକ ରଖି ତଦନ୍ତ ଆରମ୍ଭ କରିଛି ।
