ପଣ୍ୟ କାରବାରରେ ରେକର୍ଡ ସୃଷ୍ଟି କଲା ପାରାଦ୍ୱୀପ ବନ୍ଦର ।
pragyansila bureau | 29 Jul 2025 | 5 min read | 3 views
ପାରାଦ୍ୱୀପ ( ପି.ଏନ. ଏସ ) : ପଣ୍ୟ କାରବାର ରେ ପୁଣି ରେକର୍ଡ ସୃଷ୍ଟି କରିଛି ପାରାଦ୍ଵୀପ ବନ୍ଦର। ଚଳିତ ମାସ ୨୮ ତାରିଖ ସୁଦ୍ଧା ପାରାଦ୍ଵୀପ ବନ୍ଦର ୫୦ ମିଲିୟନ ମେଟ୍ରିକ୍ ଟନ୍ ପଣ୍ୟ କାରବାର କରି ଭାରତର ୧୨ ମେଜର ପୋର୍ଟ ମଧ୍ୟରେ ଏକ ନମ୍ବର ସ୍ଥାନରେ ରହିଛି । ଯାହା ପୂର୍ବ ଦିନ ତୁଳାନାରେ ଏହା ସର୍ବକାଳୀନ ରେକର୍ଡ଼ ବୋଲି କୁହାଯାଉଛି। ବର୍ତ୍ତମାନ ଲୁହାପଥର ପରିବହନ ଏକପ୍ରକାର ବନ୍ଦ୍ ଥିବା ବେଳେ ପାରାଦ୍ଵୀପ ବନ୍ଦର ଗତ ୪ ମାସରେ ୨୨.୦୬ ମିଲିୟନ ମେଟ୍ରିକ୍ ଟନ୍ କୋଇଲା, ୧୧.୩୬ ମିଲିୟନ ମେଟ୍ରିକ୍ ଟନ୍ ଅଶୋଧିତ ତୈଳ, କଣ୍ଟେନର କାର୍ଗୋ ୨୭.୮୦ ମିଲିୟନ ମେଟ୍ରିକ୍ ଟନ୍, ସାର ର କଞ୍ଚାମାଲ ୮.୪୧ ମିଲିୟନ ମେଟ୍ରିକ୍ ଟନ୍ ପରିବହନ କରିଛି। ଯାହା ଗତବର୍ଷ ତୁଳନାରେ ୪ ଦିନ ପୂର୍ବରୁ ଏହି ମାଇଲଷ୍ଟୋନ୍ ହାସଲ କରିଛି ବନ୍ଦର। ଗତ ଦୁଇବର୍ଷ ହେଲା ପାରାଦ୍ଵୀପ ବନ୍ଦର ପଣ୍ୟ ପରିବହନ ରେ ଏକ ନମ୍ବର ମେଜର ପୋର୍ଟ ର ମାନ୍ୟତା ହାସଲ କରିଥିବା ବେଳେ ବନ୍ଦର କର୍ମଚାରୀ ଓ ଷ୍ଟିଭେଡୋର ସଂସ୍ଥା ମାନଙ୍କ ସହଯୋଗ ଯୋଗୁ ଚଳିତ ଆର୍ଥିକ ବର୍ଷରେ ପାରାଦ୍ଵୀପ ବନ୍ଦର ଆଉ ଏକ ରେକର୍ଡ଼ କରିବ ବୋଲି ବନ୍ଦର ଅଧ୍ୟକ୍ଷ ଏକ ପ୍ରେସ ରିଲିଜ ରେ ଜଣାଇଛନ୍ତି ।
