ମୁଖ୍ୟ ପୃଷ୍ଟ। / odisha / jagatsinghpur

ଜଗତସିଂହପୁର ( ପି.ଏନ. ଏସ ) : କୁଜଙ୍ଗ ଥାନା ଅଞ୍ଚଳରେ ଜନୈକା ଯୁବତୀ କୁ 6 ମାସର ଗର୍ଭବତୀ କରି ଦୁଇ ଭାଇ ଗିରଫ ହୋଇଥିବା ବେଳେ ଅନ୍ୟ ଜଣେ ଫେରାର ଥିବା ଜଣାଯାଇଛି । ଅଭିଯୁକ୍ତ ଦୁଇ ଜଣଙ୍କୁ ଗିରଫ କରି କୁଜଙ୍ଗ ପୋଲିସ ଜଗତସିଂହପୁର ଜିଲ୍ଲା ମୁଖ୍ୟ ସ୍ୱାସ୍ଥ୍ୟ କେନ୍ଦ୍ରରେ ଡାକ୍ତରୀ ମାଇନା କରାଇଛି । କୁଜଙ୍ଗ ଥାନାରେ ପିଡିତାଙ୍କର ବାପାଙ୍କ ଏତାଲା କ୍ରମେ ପୋଲିସ ଅଭିଯୁକ୍ତଙ୍କୁ ଗିରଫ କରିଛି । ଅଭିଯୁକ୍ତ ଦୁଇ ଜଣ ସ୍ଥାନୀୟ ଅଂଚଳର ଏକ ମଠରେ କାମ କରନ୍ତି । ଉଭୟ ବାରମ୍ବାର ଦୁଷ୍କର୍ମ କରିବା ସହ ନାବାଳିକା ଜଣକ ଗର୍ଭବତୀ ହେବାର ଜାଣିବା ପରେ ପିଡିତାଙ୍କ ପରିବାର ଉପରେ ଚାପ ପକାଇ ଏହାର ଆପୋଷ ସମାଧାନ ପାଇଁ ମଧ୍ୟ 3 ଦିନ ତଳେ ଉଦ୍ୟମ ହେଉଥିବା ବେଳେ ଏହା ମଧ୍ୟ ସମ୍ଭବ ହୋଇପାରି ନଥିଲା । ପରେ କୁଜଙ୍ଗ ଥାନାରେ ଅଭିଯୋଗ ହେବା ପରେ କୁଜଙ୍ଗ ପୋଲିସ ସେମାନଙ୍କୁ ଗିରଫ କରିଥିଲା । ଗିରଫ ଦୁଇ ଭାଇ ହେଲେ ବାଣସରା ଗ୍ରାମର ଭାଗ୍ୟଧର ଦାଶ ଓ ତାଙ୍କ ସାନ ଭାଇ ପଞ୍ଚାନନ ଦାଶ । ଅନ୍ୟ ଜଣେ ଅଭିଯୁକ୍ତଙ୍କର ପାଖରେ ପୋଲିସ ପହଂଚି ପାରିନାହିଁ । ଅନ୍ୟପଟେ ପିଡିତାଙ୍କ ଡାକ୍ତରୀ ମାଇନା ପାଇଁ ଜଗତସିଂହପୁର ଜିଲା ମୁଖ୍ୟ ଚିକିତ୍ସାଳୟ କୁ ଅଣାଯାଇଛି । ଏଠାରୁ ଡାକ୍ତରୀ ମାଇନା ପରେ ଅଧିକ ତଦନ୍ତ ପାଇଁ ଏବଂ ସଂଗୃହିତ ନମୁନା କଟକ ପଠାଯିବ ବୋଲି ଜଣାପଡିଛି । ତେବେ ପିଡିତା ଜଣକ 6 ମାସର ଗର୍ଭବତୀ ଥିବାରୁ ଏବେ ତାଙ୍କୁ କେଉଁଠି ସୁରକ୍ଷିତ ଭାବରେ ରଖାଯିବ ତାହା ସ୍ଥିର ହୋଇନାହିଁ । କୁଜଙ୍ଗର ଦୁଇ ବଳତ୍କାରୀ ଙ୍କ ନେଇ ଜିଲ୍ଲା ଏସପି ପ୍ରତିକ୍ରିୟା ରଖିଛନ୍ତି | ଅନ୍ୟପଟେ ବିଜେଡି ଦଳର ପୁର୍ବତନ ଜଗତସିଂହପୁର ବିଧାୟକ ପ୍ରସାନ୍ତ କୁମାର ମୁଦୁଲି ପାରାଦୀପ ପୁର୍ବତନ ବିଧାୟକ ସମ୍ବିତ ରାଉତରାୟ ପୁର୍ବତନ ସାଂସଦ ରାଜଶ୍ରୀ ମଲ୍ଲିକ ଓ ଜିଲ୍ଲା ପରିଷଦ ସଭାପତି ମନୋଜ୍ କୁମାର ଭୋଇ ପଞ୍ଚାୟତ ସମିତି ଅଧ୍ୟକ୍ଷା କନକ ପ୍ରଭା ଲେଙ୍କା ଙ୍କ ସହିତ ଅନେକ ବିଜେଡି କର୍ମକର୍ତ୍ତା କୁଜଙ୍ଗ ଗଣବଳତ୍କାର ଘଟଣା କୁ ନେଇ ଜଗତସିଂହପୁର ଜିଲ୍ଲା ଏସପିଙ୍କ ସହିତ ଆଲୋଚନା କରିଛନ୍ତି |