ବ୍ୟାଙ୍କ ସମ୍ମୁଖରୁ ଚୋରି ସ୍କୁଟି ସହ ଚୋରି କରିଥିବା ଯୁବକକୁ ଧରିଲା ପୋଲିସ ।
pragyansila bureau | 24 Jul 2025 | 4 min read | 4 views
ପାରାଦ୍ୱୀପ ( ପି.ଏନ. ଏସ ) : ପାରାଦ୍ଵୀପ ୟୁନିୟନ ବ୍ୟାଙ୍କ ସମ୍ମୁଖରୁ ଚୋରୀ ହୋଇଥିବା ସ୍କୁଟି ପାରାଦ୍ୱୀପ ଗଡ଼ ୟୁନିୟନ ବ୍ୟାଙ୍କ ସମ୍ମୁଖରୁ ଜବତ ହୋଇଛି । ଲକ୍ ଥାନା ପୋଲିସ ଗଡ଼ ୟୁନିୟନ ବ୍ୟାଙ୍କ ସମ୍ମୁଖରୁ ସ୍କୁଟି କୁ ଜବତ କରିବା ସହିତ ଚୋରି କରିଥିବା ଯୁବକକୁ ମଧ୍ୟ ଗିରଫ କରିଛି | ଗିରଫ ଯୁବକ ଜଗତସିଂହପୁର କେନ୍ଦାଳ ଗ୍ରାମର ସଞ୍ଜୟ ସାହୁ ବୋଲି ଜଣାପଡିଛି । ଯୁବକ ଜଣଙ୍କ ପାରାଦ୍ଵୀପ ଗଡ଼ ଅଞ୍ଚଳରେ ରହିବା ସହିତ ଏକ କମ୍ପାନୀରେ କାମ କରୁଛି । ଗତକାଲି ପାରାଦ୍ଵୀପ ବ୍ୟାଙ୍କ ଲାଇନ୍ ରେ ଥିବା ୟୁନିୟନ ବ୍ୟାଙ୍କ ସମ୍ମୁଖରୁ ବ୍ୟାଙ୍କ ର ଏକ କର୍ମଚାରୀଙ୍କ ସ୍କୁଟିକୁ ଚୋରି କରି ନେଇଥିଲେ । ପାରାଦ୍ଵୀପ ଆଦର୍ଶ ଥାନାରେ ଏତଲା ଦିଆଯାଇଥିଲା ଏବଂ ସିସିଟିଭିରେ ଏହି ଚୋରି ବେଳର ଦୃଶ୍ୟ ମଧ୍ୟ କଏଦ ହୋଇଥିଲା | ତେବେ ଆଜି ସନ୍ଧ୍ୟାରେ ଲକ୍ ଥାନା ପୋଲିସ ଯୁବକ ସହିତ ସ୍କୁଟିକୁ ଜବତ କରିଛି । ସ୍କୁଟି କୁ ଲକ୍ ଥାନା ପକ୍ଷରୁ ପାରାଦ୍ଵୀପ ଆଦର୍ଶ ଥାନା କୁ ହସ୍ତାନ୍ତର କରାଯାଇଥିବା ବେଳେ ଯୁବକ କୁ ଆସନ୍ତା କାଲି କୋର୍ଟ ଚାଲାଣ କରାଯିବ ବୋଲି ସୂଚନା ମିଳିଛି |
