ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ପାରାଦ୍ଵୀପ ବନ୍ଦରାଞ୍ଚଳ ରେ ଜଣେ ଅସୁସ୍ଥ ବୃଦ୍ଧା ମହିଳା ଙ୍କୁ ତାଙ୍କ ସ୍ବାମୀ ଟ୍ରଲିରେ ବୋହି ମେଡ଼ିକାଲ କୁ ଅଣା ଯାଉଥିବା ଦୃଶ୍ୟ ଏବେ ବିଭିନ୍ନ ସୋସିଆଲ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି।। ଏହି ଦୃଶ୍ୟ ଟି ପାରାଦୀପ ଅଠରବାଙ୍କି ପୋଲ ନିକଟରେ ହୋଇଥିବା ବେଳେ ବୃଦ୍ଧା ମହିଳା ଜଣଙ୍କ ପାରାଦ୍ଵୀପ ର ଷଣ୍ଢକୁଦ ବସ୍ତି ଅଞ୍ଚଳର ବୋଲି ଜଣାପଡ଼ିଛି। ବାଟରେ ଜଣେ ବାଇକ ଆରୋହି ଟ୍ରଲିକୁ ସାଙ୍ଗରେ ଟାଣି ନେଉଥିବା ଦେଖି ବାକୁ ମିଳିଛି। ସମ୍ପୃକ୍ତ ଯୁବକ ବୃଦ୍ଧା ମହିଳା ଜଣଙ୍କୁ ମେଡିକାଲ ନିକଟରେ ଟ୍ରଲି ରୁ ଉଠାଇ ମେଡିକାଲ୍ ନେବା ଦୃଶ୍ୟ ମଧ୍ୟ ଭାଇରାଲ୍ ଭିଡିଓ ରେ ରହିଛି। ପ୍ରାୟତଃ ପାରାଦ୍ବୀପର ବସ୍ତି ଅଞ୍ଚଳରେ ରହୁଥିବା ଆଦିବାସୀ ଓ ବେଙ୍ଗଲି ସମ୍ପ୍ରଦାୟର ଲୋକେ ପ୍ରତ୍ୟେକ ଦିନ ଟ୍ରଲିରେ ରୋଗୀ ନେଇ ମେଡିକାଲ ଆସିଥାନ୍ତି । ସେମାନେ ମୁଖ୍ୟତଃ ମାଛ ଧରିବା ଏବଂ ମାଛ ବ୍ୟବସାୟ କରୁଥିବାରୁ ଟଲି ବ୍ୟବହାର କରିଥାନ୍ତି। ଯଦି କାହାର ଦେହ ଖରାପ ହେଲେ ସେମାନେ ଆମ୍ବୁଲାନ୍ସ କୁ ଖବର ଦେବା ବଦଳରେ ସଙ୍ଗେ ସଙ୍ଗେ ଟଲି ରେ ପକାଇ ମେଡିକାଲ ନେଇ ଆସି ଥାନ୍ତି। ତେବେ ଏହି ଘଟଣାକୁ ନେଇ କ୍ୟାମେରା ଆଗରେ କିଛି କହିବାକୁ ମନା କରିଥିଲେ ମଧ୍ୟ ଉକ୍ତ ଘଟଣା ସମୟରେ କେହି ଆମ୍ବୁଲାନ୍ସ ସେଣ୍ଟର କୁ ଫୋନ୍ କରିନଥିବା ତଦନ୍ତ ରୁ ସ୍ପଷ୍ଟ ହୋଇଥିବା ଅଠରବାଙ୍କି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଅଧିକାରୀ ସୂଚନା ଦେଇଛନ୍ତି ।