ମୁଖ୍ୟ ପୃଷ୍ଟ। / odisha / jagatsinghpur

କୁଜଙ୍ଗ ( ପି.ଏନ. ଏସ ) : ସରକାର କୁ ୧୩ ମାସ ପୁରିଛି, ମାତ୍ର ଏହି ୧୩ ମାସ ରେ ରାଜ୍ୟ ର ଆଇନ ଶୃଙ୍ଖଳା ପରିସ୍ଥିତି ସମ୍ପୁର୍ଣ୍ଣ ବିଗିଡି ଯାଇଛି। ବାଲେଶ୍ୱର ଛାତ୍ରୀ ମୃତ୍ୟୁ ପରେ ବଳଙ୍ଗା ଠାରେ ଜଣେ ଯୁବତୀଙ୍କୁ ଟେକି ନେଇ କିରୋସିନି ଢାଳି ପୋଡି ଦେବା ଘଟଣା ହିଁ ଦର୍ଶାଉଛି ରାଜ୍ୟ ସରକାରଙ୍କ ବିଫଳତା ର କାହାଣୀ। ବାଲେଶ୍ୱର ଛାତ୍ରୀ ଜଣଙ୍କ ପ୍ରଶାସନ ଠାରୁ ରାଜନେତା ପର୍ଯ୍ୟନ୍ତ, ସମସ୍ତଙ୍କୁ ଅବଗତ କରାଇଥିଲେ। ମାତ୍ର କେହି ନଶୁଣିବାରୁ ଆଜି ଏଭଳି ଏକ ପରିସ୍ଥିତି ସୃଷ୍ଟି ହୋଇଛି। ଯାହାକୁ ନେଇ କୁଜଙ୍ଗ ବିଜେଡି ପକ୍ଷରୁ ଏକ ବିଶାଳ ରାଲି ରେ ସାଧାରଣ ଲୋକଙ୍କୁ ଅବଗତ କରାଯାଇଛି। କୁଜଙ୍ଗ ବିଜେଡି ସଭାପତି ଓ କାର୍ଯ୍ୟକାରୀ ସଭାପତି ଙ୍କ ନେତୃତ୍ବରେ ଏକ ବିଶାଳ ରାଲି କୁଜଙ୍ଗ ବଜାର ପରିକ୍ରମା କରିବା ସହିତ, ରାଜ୍ୟ ସରକାରଙ୍କ ବିଫଳତା ସମ୍ପର୍କରେ ଲୋକଙ୍କୁ ଜନସଚେତନ କରାଯାଇଥିଲା । ପରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ଉଚ୍ଚଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୁରଜ୍ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ କୁଶପୁତ୍ତଳିକା ଦାହ କରାଯାଇଛି।