ମୁଖ୍ୟ ପୃଷ୍ଟ। / odisha / Mayurbhanja

ମୟୁରଭଞ୍ଜ ( ପି.ଏନ. ଏସ ) : ଆଜି ପବିତ୍ର ଶୀତଳ ଷଷ୍ଠୀ l ଓଡିଶାର କୋଣ ଅନୁକୋଣରେ ଶିବ ପାର୍ବତୀଙ୍କର ବିବାହ ସମ୍ପନ୍ନ ହେଉଅଛି l ଏହି ପରିପ୍ରେକ୍ଷୀରେ ମୟୂରଭଞ୍ଜ ଜିଲ୍ଲା ବାମନଘାଟୀ ଉପଖଣ୍ଡ ରାଇରଙ୍ଗପୁର ପୌରପାଳିକା ସମେତ ସମସ୍ତ ବ୍ଲକମାନଙ୍କରେ ଶିବ ପାର୍ବତୀ ବିବାହ ଉତ୍ସବ ପରିଲକ୍ଷିତ ହୋଇଥିଲା l ରାଇରଙ୍ଗପୁର ସହରସ୍ତ କୁଚେଇବୁଢୀ ଅନ୍ତର୍ଗତ ଶ୍ରୀ ପୂର୍ଣ୍ଣେଶ୍ବର ମନ୍ଦିର ଠାରେ ଶିବ ପାର୍ବତୀଙ୍କର ବିବାହ ମନ୍ଦିର କମିଟୀ ସଭାପତି ସ୍ଥାନୀୟ ତହସିଲଦାର ବିଶ୍ବନାଥ ବିଶ୍ବାଳଙ୍କ ପରିଚାଳନାରେ ମହାସମାରୋହରେ ଅନୁଷ୍ଠିତ ହୋଇଯାଇଛି l ଏଥିରେ ରାଇରଙ୍ଗପୁର ତହସିଲ କାର୍ଯ୍ଯାଳୟର ସମସ୍ତ କର୍ମଚାରୀଗଣ ସହଯୋଗ କରିଥିଲେ l ଯଥାରୀତିନୀତି ଅନୁଯାୟୀ ଯେପରି ବିବାହ ହୁଏ , ସେପରି ଶିବପାର୍ବତୀଙ୍କର ବିବାହ ହୋଇଥିଲା l ବର ପକ୍ଷରୁ ଦେବ ଶିବଙ୍କ କର୍ତ୍ତାକର୍ତ୍ତୀ ଭାବେ ତହସିଲଦାର ବିଶ୍ବନାଥ ବିଶ୍ବାଳ ଏବଂ ଧର୍ମପତ୍ନୀ ଓ କନ୍ଯା ପକ୍ଷରୁ ଦେବୀ ପାର୍ବତୀଙ୍କ କର୍ତ୍ତାକର୍ତ୍ତୀ ଭାବେ ରାଜସ୍ବ ପରିଦର୍ଶକ ନିହାର ରଂଜନ ପାତ୍ର ଏବଂ ଧର୍ମପତ୍ନୀ ପୂଜାକର୍ମକାଣ୍ଡରେ ଶିବବାବାଙ୍କ ଆସ୍ଥାନ ନିକଟରେ ଉପବେସନ କରିଥିଲେ l ବର ପକ୍ଷରୁ ବରଯାତ୍ରୀ ଦଳ ବାଜା, ତୂରୀ ଓ ଢୋଲକ ବଜାଇ ଶ୍ରୀ ପୂର୍ଣ୍ଣେଶ୍ବର ମନ୍ଦିର ପହଞ୍ଚିଥିଲେ l କନ୍ଯାପକ୍ଷରୁ କନ୍ଯାପିତା ଆଦରରେ ପାଛୋଟି ଆଣିଥିଲେ l ଯଥା ବିଧି ଅନୁଯାୟୀ, ମୁଖ୍ଯ ପୂଜକ ପ୍ରସନ୍ନ ଷଡଙ୍ଗୀ ଏବଂ ମନ୍ଦିର ପୂଜକ ରବିନାରାୟଣ ହୋତାଙ୍କ ବେଦ ମନ୍ତ୍ର ଓ ଶାସ୍ତ୍ରରେ ମନ୍ଦିର ପରିସର ପରିକମ୍ପିତ ହୋଇଥିଲା l ହାତଗଣ୍ଠି, ଖଇପୁଡା ଓ ହୋମଯଜ୍ଞ ହୋଇଥିଲା l ପରିଶେଷରେ ଶିବ ପାର୍ବତୀଙ୍କ ମଥାରେ ସିନ୍ଦୁର ପିନ୍ଧାଇବା ପରେ ବିବାହ ସମ୍ପନ୍ନ ହୋଇଥିଲା l ଭକ୍ତମାନଙ୍କୁ ଅନ୍ନ ପ୍ରସାଦ ବଣ୍ଟନ କରାଯାଇଥିବା ବେଳେ ସଂନ୍ଧ୍ଯା ବେଳେ ଭଜନ ସଂନ୍ଧ୍ଯା ଆୟୋଜିତ ହୋଇଥିଲା l ବହୁ ଶ୍ରଦ୍ଧାଳୁ ଉପସ୍ଥିତ ରହି ଶିବପାର୍ବତୀଙ୍କର ବିବାହ ଓ ଭଜନ ସଂନ୍ଧ୍ଯା ଉପଭୋଗ କରିଥିଲେ l